E ardhmja e Kylian Mbappe-së duket se do të jetë Spanja. Sulmuesi i njohur i PSG-së është përfolur prej kohësh për t’iu bashkuar Real Madrid, ndërsa së fundmi gjërat sa vijnë e bëhen më konkrete.
Gazetari i njohur spanjoll, Jose Pedrerol është shprehur se akordi është arritur në parim. Pritet vetëm çelja e merkatos së verës për të zyrtarizuar më tej yllin francez.
“Ai do të luajë në Madrid sezonin tjetër”, ka thënë gazetari për 22-vjeçarin. Mbappe është pjesë e Paris Saint Germain prej vitit 2017-të ku është aktivizuar në 123 ndeshje dhe ka arritur të realizojë plot 106 gola.
