Peshëngritësi shqiptar, Briken Calja do marrë nesër (19:00) pjesë në Kampionatin Europian të të Rriturve që zhvillohet në Moskë, Rusi. Sportisti nga Shtërmeni kërkon që nën petkun e kampionit të Europës, të përsërisë të njëjtin rezultat, teksa ka kërkuar edhe mbështetje nga publiku.
Në rrjetet sociale, Calja ka kërkuar që publiku ta ndjekë pasi është një shtysë që ai të përmirësojë rezultatet dhe të ngrejë lart flamurin shqiptar. Në Rusi, dje peshëngritësja Evangjelia Veli u rendit në vendin e tretë, duke valvitur flamaurin kuqezi.
Postimi i Briken Calja:
Ju ftoj të gjithëve të më mbështesni nesër në datë 6/orën 19:00 në Kampionatin Europian që po zhvillohet në Rusi. Mbështetja juaj më jep forcë dhe shtysë për ta çuar shtangën lart. Jam krenar që hyj në këtë garë me petkun e Kampionit të Europës dhe do të jap gjithçka nga vetja që të zhvilloj një garë dinjitoze dhe të bëj krenar ato zemra shqiptarësh të cilët e duan sportin dhe vendin e tyre.
Një garë e fortë më pret nesër dhe shpresoj në një rezultat të mirë nga i cili do të të ishim të gjithë krenar.Nesër nuk do të jem unë në atë pedanë, por do jenë miliona zemra shqiptarësh të gatshëm për të bërë Evropën të dridhet sërish. Me besimin dhe mbështetjen tuaj do të hyj me kokën lart për një garë sa më dinjitoze.Shihemi nesër në 19:00 live në RTSH Sport & Eurosport1.
Lexo gjithashtu
