Tottenham Hotspur po vuan për të marrë kreun e Premier League, me Liverpool e Manchester Cityn që duket se kanë një marsh më shumë se "gjelat". Një gjë të tillë e ka pohuar tërthorazi edhe Mauricio Pochettino. Trajneri i londinezëve e ka krahasuar kampionatin anglez me garat e Formula 1, duke bërë një paralelizëm mes skuadres së tij dhe njëvendëshes së F1.
"Ju mund të jeni fitues, por nëse nuk keni mjetet për të fituar atëherë është e vështirë. Nëse ju keni makinë për të fituar dhe ju jeni të mirë, atëherë ju fitoni Nëse keni të njëjtën makinë si një tjetër që është i mirë atëherë një do të fitojë dhe tjetri do të humbasë. Merrni shembullin e Fernando Alonso, duke e krahasuar me Lewis Hamilton. Nëse vendosni Hamiltonin në McLaren sezonin e kaluar dhe Alonso në Mercedes, është rezultati i njëjtë, me Hamiltonin në fund dhe Alonso në krye."-tha mes të tjerash Pochettino.
Deklarata që mund të shkaktojë polemika mes tij dhe Hamilton, pasi tregojnë se britaniku është shpallur kampion bote për herë të 5-të në histori për shkak të makinës së tij të shpejtë.
Lexo gjithashtu
