Marcelo ka qenë një ndër emrat më të komentuar në këtë merkato vere, që vazhdon të jetë objekt bisede edhe për një mundësi transferimi në janar te Juventus për tu bashkuar me ish-shokun e tij të skuadrës, Cristiano Ronaldon.
Në një intervistë të dhënë së fundmi për televizionin e Real Madridit, braziliani ka konfirmuar se do vazhdojë të qëndrojë në Madrid edhe për shumë kohë, duke konfirmuar me siguri se Reali është klubi më i mirë në botë.
"Qndrimi im? Është një argument që nuk duhet përfolur. Jam shumë i lumtur te Real Madrid, është shtëpia ime dhe kam shumë vite të tjera kontratë. Mbetet gjithmonë klubi më i mirë në botë dhe do të kem dëshirë gjithmonë që të luaj në klubin më të mirë në botë. dua të luaj për shumë vite në Madrid. E kam mendjen e qetë dhe dua të vazhdoj. Shumë persona të fshehur pas rrjeteve sociale flasin për çudira për të krijuar gjëra që nuk ekzistojnë. Jam i ekzaltuar njësoj sikur të isha 18 vjeç. Qëndroj këtu deri në fund".
Lexo gjithashtu
