Në fillim u nominuan 27 lojtarë për çmimin “Lojtari më i mirë në Europë”, por numri i tyre më pas zbriti në 10. Pas votimeve të gazetarëve të çdo vendi europian, tashmë janë përcaktuar dhe tre finalistët.
Të tre luajnë në Madrid, dy te Reali dhe një te Atletico. Padyshim, fituesi i kampionatit Europian, Cristiano Ronaldo ndodhet në këtë listë, ndërsa edhe Antoine Griezman është i përfshirë. Gjithashtu, vihet re prania e Gareth Bale, i cili bëri histori me Uellsin në Europian.
Fituesi i këtij çmimi do të shpallet më 25 gusht, datë që është përcaktuar nga UEFA, e cila në të njëjtën datë do të hedhë dhe shortin për grupet e Champions League.
