Ditën e sotme janë luajtur dy ndeshje të vlefshme për javën e 19-të të Superligë së Kosovës. Sfida mjaft interesante, por edhe surprizuese duke parë rezultatet përfundimtare.
Drita u ndal në shtëpi nga Llapi. Këta të fundit triumfuan me rezultatin minimal 0-1 duke i marrë ekipit nga Gjilani vendin e dytë të renditjes. Golin e vetëm të kësaj sfide e shënoi Arbnor Ramadani në minutën e 4’.
Në krahun tjetër Fushë Kosova ia doli që të merrte 1 pikë në shtëpi përballë Gjilanit. Sfida përfundoi në barazim 1-1. Golin për Fushë Kosovës e shënoi Hajdari, ndërsa për “Skifterat” shënoi Jarovic.
Me këtë rezultat, Fushë Kosova mbetet në vendin e parafundit (9-të) në kuotën e 11 pikëve, ndërsa Gjilani vetëm një vend më lart, por me 8 pikë më shumë.
[caption id="attachment_723151" align="alignnone" width="652"]
Tabela e klasifikimit të Superligës së Kosovës[/caption]
Lexo gjithashtu
