Është ndërprerë për rreth 3 minuta ndeshja mes Vllaznisë dhe Tiranës. Të dyja tifozëritë kanë hedhur shashka dhe tymuse në fushën e lojës dhe gjyqtari kryesor ka thirrur pranë tij kapitenin e Vllaznisë, Shtubinën dhe atë të Tiranës Karabecin.
Të dy futbollistët kanë shkuar pranë tifozërive përkatëse dhe kanë komunikuar me ta që të shmangin hedhjen e shashkave në fushë dhe të ndalin ofendimet në kor.
Ndeshja ka rifilluar pas 3 minutash ndërprerje. Po luhet minuta e 49-të dhe ndeshja është ende 0-0.
