Një lëvizje interesante duket se po gatuhet për merkaton e ardhshme në Milano, me kuqezinjtë e Milan që janë vënë në kontakte me mesfushorin e Arsenal Aron Ramsey.
Lajmi është publikuar nga tabloidi britanik “The Sun”, sipas së cilës uellsiani mund të konsiderojë largimin nga Londra duke qenë se kontrata e tij me “topçinjtë” po shkon drejt fundit.
Ende nuk ka diçka konkrete në këtë drejtim, por drejtori ekzekutiv i Arsenal ka lidhje të ngushta me klubin milanez dhë një lëvizje e tillë ka shumë gjasa të realizohet nëse lojtari bie dakort.