Adolfo Sormani është larguar tashmë nga Partizani. Trajneri italian ka ndërprerë bashkëpunimin me klubin e kuq, ndërsa pas këtij lajmi, tifozët e 15 herë kampionët e vendit janë ndierë të çliruar, madje duke e shprehur këtë edhe përmes rrjeteve sociale.
Por, jo vetëm tifozët janë ndierë të lehtësuar nga ky lajm, pasi ai që është ndierë i tillë ka qenë edhe Mentor Mazrekaj. Kjo, duke ditur edhe marrëdhëniet e tij të ngrira me trajnerin Sormani.
Tashmë Partizani është në pritje të njohë trajnerin e ri, ndërsa Mazrekaj pritet që të përfshihet në planet e "timonierit" të ri të skuadrës. Forma e tij fizike është optimale dhe me shumë mundësi, kosovari i mesfushës së Partizanit do t'i jepet shansi të tregojë sërish veten me të kuqtë.
Poll
Lexo gjithashtu
