Shumë njerëz të njohur të sportit i dhanë lamtumirën e fundit ish-kapitenit të kombtares dhe të Partizanit, Lin Shllaku. 78-vjeçari u nda ditën e djeshme nga jeta pasi vuante nga një sëmundje e rëndë. Në homazhet e zhvilluara morën pjesë drejtuesit më të lartë të FSHF-së, ku ishte presidenti Duka ai që foli duke thënë që largimi i Shllakut nga kjo botë është një humbje e madhe për sportin shqiptar.
“Ishte një humbje e madhe për sportin shqiptar. Lin Shllaku ishte një nga figurat më të mëdha të tij, si kapiten i Kombëtares dhe i Partizanit. Kujtoj se ishte prezent edhe në atë barazim historik me Gjermaninë në “Qemal Stafa”. Unë kam pasur njohje personale me Linin dhe përveç këtyre do ta mbaj mend si një njeri të mirë, si një familjar të mirë. Dua t’u shpreh ngushëllimet e mia për familjen, miqtë por edhe për gjithë sportin shqiptar që humbi një nga figurat e tij më të spikatura”, deklaroi Duka.
Lexo gjithashtu
