Të gjithë e mbajnë mend episodin e fundjavës, teksa Granit Xhaka ndal Alioskin (Pas takimit Arsenal Leeds) për t’u zënë me lojtarët Gooner. Gjithçka kishte të bënte me faktin se futbollisti shqiptar (Alioski) ishte goditur gjatë ndeshjes nga Pepe, me këtë të fundit që u ndëshkua me të kuq. Me të rënë vërshëllima e trefishtë nis sherri, me shqiptarin Xhaka që largon shokun e ekipit Tierney, për të mos u kapur me Alioskin.
Mediat serbe i kanë kushtuar një artikull këtij rasti, teksa Kurir.rs shkruan: Provokuesi shqiptar në shtyllën e turpit, shtyn shokun e ekipit për të mbrojtur bashkëatdhetarin. Nuk dihet se ç’lidhje ka provokimi këtu, gjithsesi në Serbi si duket ende kanë urrejtje.