Adolfo Sormani nuk ka qenë i pranishëm ditën e sotme në seancën stërvitore që të kuqtë kanë zhvilluar në prag të sfidës me Kevitanin. Tekniku italian ka udhëtuar ditën e hënë drejt Italisë për të kaluar pak kohë me familjen. Megjithatë përflitej që ai mos të rikthehej më për të drejtuar kryeqytetasit. Për këtë newsport.al ka kontaktuar zëdhënësin për shtyp, Olsi Ranxhi, i cili ka deklaruar që ditën e nesërme në ndeshjen ndaj Kevitanit, do të jetë pikërisht Sormani në krye të pankinës së kuqe.
"Sormani do të rikthehet në Shqipëri nesër dhe në ndeshjen me Kevitanit, ai do të jetë në krye të pankinës", deklaroi Olsi Ranxhi për newsport.al.
Kujtojmë që Partizani luan nesër kundër Kevitanit, sfidë e vlefshme për turin e parë të Kupës së Shqipërisë.
Lexo gjithashtu
