Komisioni i Apelit, ashtu si në rastin e Partizanit, nuk ka ndryshuar vendim edhe për ankimimin e klubit të Laçit duke lënë në fuqi dënimin me dy ndeshje pa tifozë për bardhezinjtë.
Disiplina dënoi me dy ndeshje pa tifozë ekipin e Laçit më datë 23 shkurt pas ngjarjeve të ndodhura në stadiumin e Kurbinit në takimin kundër Kukësit.
Klubi i Laçit apeloi këtë vendim, por Komisioni i Apelit la në fuqi pezullimin e vendosur nga Disiplina për ekipin e Laçit.
Gjysmën e dënimit, klubi kurbinas e shleu kundër Partizanit në sfidën e fundjavës që kaloi dhe tashmë i ka mbetur për të luajtur edhe një ndeshje tjetër pa tifozë.