Tirana do të luajë kundër Skënderbeut në kuadër të javës së 25-të të Superiores. Të dy skuadrat do të tentojnë të marrin një rezultat pozitiv, për vetë objektivat që të dy klubet kanë. Newsport.al ka mësuar se gjyqtari i këtij takimi është zgjedhur Enea Jorgji.
Elbasanasi është njëri nga 3 arbitrat shqiptarë me stemën e FIFA-s, ndaj është vendosur që sot të vendosë drejtësi në supersfidën që do të zhvillohet në stadiumin “Selman Stërmasi”. Ky takim do të luhet në orën 18:00 dhe klubi bardheblu ka ftuar tifozët të jenë të pranishëm në mbështetje të skuadrës së tyre të zemrës.