Ish-drejtori sportiv i Partizanit, Dritan Dervishi është vënë sërish në qendër të vëmendjes në Itali. "Calciomercato.com" i ka kushtuar një material të veçantë klubit të Hellas Veronës, ku aludon se klubi është kthyer në një biznes që pastron para.
Ky portal vë në qendër të vëmendjes Dervishin, ku aludon se ky person është i komanduar në pozicionin e tij te firma "Gialloblu" që financon Veronën.
"Në janar të 2017, Dritan Dervishi u vendos administrator i klubit të Hellas Veronës. Po kush është Dervishi? Ai ka lindur në 1970 në Tiranë, ndërsa është rezident në Corciano, provincë e Peruxhias. Në dhjetor të 2013, Dervishi mori një diplomë për drejtor sportiv, në vendin ku banonte. Më pas punoi disa muaj në Varese, si vëzhgues. Më pas kalon direkt te Hellas.
Ndërkohë, në atë kohë, Dervishi ishte dhe drejtor sportiv te Partizani. Një eksperiencë që ai e kujton për grushtat që mori në derbin ndaj Tiranës. Më pas Partizani, mori në rolin e Dervishit, Luçiano Moggin.
Më pas karriera e Dervishit në Itali, pësoi një rritje të tmerrshme., duke u vendosur direkt administrator te Hellas. Nga një person me 4 vite eksperiencë, në njërol kaq të rëndësishëm. A nuk është kjo fantastike?", shkruan ndër të tjera "Calciomercato.com".
Më pas, portali aludon, se Dervishi është hallkë e rëndësishme për pastrimin e parave te Verona. Gjithsesi, këto mbeten në kuadrin e aludimeve, pasi Gjykata nuk ka vërtetuar ende asgjë./Newsport.al
Lexo gjithashtu
