“Tirana Fan Zone” është konceptuar për të transmtuar emocionet që vijnë nga kampionati europian por së fundmi, organizatorët kanë gjetur akordin për të mos u mjaft me kaq. Kukësi luan nesër ndeshjen e parë në Europa League përballë skuadrës malazeze të Rudarit. Drejtuesit e skuadrës verilindore kanë gjetur akordin për ta transmtuar këtë takim live në sheshin “Nënë Tereza”. Kjo marrëveshje meriton të komplimentohet pasi në stadiumin “Elbasan Arena” ku do të luhet takimi, dyert për tifozët do të jenë të mbyllura për shkak të një dënimi të marrë një vit më parë nga UEFA, dënim i cili i detyron të luajnë dy ndeshje pa spektatorë. Prej orës 18:00 do të nisë transmetimi nga Elbasani në “Tirana Fan Zone” ndërkohë që në orën 19:00 do të nisë ky takim tepër i rëndësishëm. Administratori i klubit Jonuz Hallaçi e ka njoftuar këtë risi në profilin e tij në instagram.
Lexo gjithashtu
