Te Real Madrid nuk kanë kohë për të festuar, pasi Jude Bellingham ka “prishur” atmosferën te madrilenët. Anglezi u dëmtua në duelin me Gironan dhe u detyrua të linte fushën e lojës. Ditën e sotme është konfirmuar dëmtimi i ish-lojtarit të Borussias dhe diçka të tillë e ka bërë publike vetë klubi “Los Blancos”. Bellingham pritet që të mungojë 2 deri në 3 javë, që do të thotë se gjatë kësaj kohë ai do të humbasë katër ndeshje. “Pas testeve të bëra sot në qendrën mjekësore të Real Madridit, lojtari ynë Jude Bellingham është diagnostifikuar me një ndrydhje të shkallës së lartë të kyçit të këmbës së majtë”, thuhej në njoftimin e klubit madrilen. Kujtojmë se 20-vjeçari ka shënuar 16 gola dhe ka bërë 3 asiste në La Liga, ndërsa ka katër gola të shënuar dhe 3 asiste në Champions League.

Parte médico de Bellingham.#RealMadrid

— Real Madrid C.F. (@realmadrid) February 11, 2024