Klubet në Spanjë janë rikthyer në fushë për t’u stërvitur pas dy muajsh. Pas analizave të bëra vetëm 3 lojtarë kanë rezultuar pozitivë më Covid-19 dhe do të qendrojnë në shtëpi larg klubit për t’u shëruar plotësisht.
Sipas “AS”, të gjitha skuadrat e La Ligas janë njoftuar për rifillimin e sezonit dhe me shumë mundësi do të jetë 12 qershori. Lojtarët do të kenë një muaj në dispozicion për t’u përgatitur në mënyrë që të jenë në formë kur të rikthehen në fushë.
Ideja është që sezoni të mbyllet në fund të korrikut për t’I lënë ekipet që të luajnë në Champions League dhe Europa League në muajin gusht. Vendimi final do të jepet nga Ministria e Shëndetësisë që në rast se nuk jep “ok” për datën 12, atëherë data finale do të jetë 19 qershori.
