Kryeministri i Shqipërisë Edi Rama ka dhënë një intervistë telefonike për emisionin “Derby di lunedi” të drejtuar nga ish-trajneri i Kombëtares Beppe Dossena në Itali, ku ka folur rreth tifozllikut të tij për Juventus pas udhëtimit të tij të fundit në Torino për të ndjekur nga afër ndeshjen kundër Lazio-s.
Ai e ka nisur me batutë këtë intervistë kur tha se “Jemi miq tashmë të dy edhe sepse ti ke qenë trajner i kombëtares shqiptare për një kohë të shkurtër dhe pastaj erdhi Xhani, (De Biasi) dhe korri frytin e punës tënde… shaka!”, drejtuar Dossena-s, duke e thumbuar atë për largimin e tij si dështak pas vetëm 6 muajsh në drejtim të Kombëtares.
Ndërkohë në lidhje me tifozllikun e shqiptarëve për ekipet italiane, ku natyrisht futi dhe veten, Kryeministri Rama tha se ajo është e ndarë kryesisht me Milan dhe Juventus, ndërkohë që ironizoi tifozët e Inter.
“Ju e dini që përveç kombëtares, shqiptarët gjithmonë kanë bërë tifo për Italinë. Pastaj jemi të ndarë mes juventinëve dhe milanistëve… ka edhe interistë, por ata të shkretët po vuajnë paksa. Juvja është një çështje besimi. Unë e ndjek që kur isha 6 vjeç dhe kur televizori ishte bardhezi dhe tashmë bardhezi është Juvja. Mendoj se rasti i Juves nuk është një çështje futbolli apo tifozerie. Juvja është një çështje se si bëhet skuadra dhe se si lufton skuadra. Është gjithmonë një frymëzim”, tha Rama. Intervista ndodhet në videon e mëposhtme, në 15 minutat e fundit.
https://www.youtube.com/watch?time_continue=6842&v=PkzYBX7Hmmo
Loading ...
