9 qershori 2018 është ngulitur thellë në memorien te sportdashësve. Sot janë bërë lot 6 vite nga vdekja e Fadil Vokrrit.
E pikërisht në këtë ditë presidenti i Federatës Së Futbollit të Kosovës, Agim Ademi e ka rikujtuar legjëndën e futbollit kosovarë. Në një postim në rrjetet sociale, kreu i FFk-së thekson se Vokrri ishte një simbol uniteti për futbollit dhe këmbëngulja e tij bëri që Kosova të bëhej pjesë e UEFA-s.
Vokrri do të kujtohet gjithmonë me shumë respekt dhe dinjitet ashtu siç ishte shpirti i tij. Trashigimia që ka lënë pas është një thesar i paçmuar.
Ademi gjithashtu theksoi se të frymëzuar nga trashëgimia e tij do të vazhdojnë të punojnë me përkushtim për një të ardhme të ndritur për brezat e rinj, me besim të plotë se vendi do të japë edhe shumë talente si ai.
“Sot, bëhen gjashtë vjet pa Legjendën e futbollit tonë, Fadil VOKRRI! 9 qershori i vitit 2018 mbetet datë që sjellë ndjesi nostalgjie, por edhe krenarie për trashëgiminë e pasur që Vokrri la te të gjithë ata që e adhuruan, por edhe patën fatin ta njohin nga afër dhe të punojnë me të. Fadil Vokrri ishte një futbollist i jashtëzakonshëm dhe i përmasave botërore. Talentin që ia dhuroi Perëndia, ai e shndërroi në pasion dhe dashuri të pakufishme për lojën magjike të futbollit.
Ardhja e tij ishte shpresë, teksa misioni i përbashkët ishte anëtarësimi në UEFA e FIFA. Ndonëse ky rrugëtim nuk ishte i lehtë, autoriteti dhe këmbëngulësia e tij, por edhe i të gjithë atyre që ishim pjesë e Federatës, si dhe mbështetja e institucioneve vendore dhe faktorëve ndërkombëtarë, bëri që ky mision të përmbyllej suksesshëm në maj të vitit 2016. Fadil Vokrri ishte simbol uniteti për futbollin, derisa trashëgimia që la pas është një thesar i paçmuar. Teksa nderojmë Legjendën tonë, ne i jemi mirënjohës për gjithçka që bëri për futbollin në Kosovë”, ka shkruar kreu i FFK-së.
Lexo gjithashtu
