Kosova do të bëhet me fanela të reja. Federata e Futbollit të Kosovës ka nënshkruar një marrëveshje 3-vjeçare me kompaninë e njohur italiane.
“ERREA” do të jetë tashmë kompania që do të veshë të gjithë lojtarët dardanë, teksa në këtë marrëveshje ndërmjetësuese ka qenë edhe UEFA.
Partneriteti disavjeçar i UEFA-s me kompaninë “ERREA” e ka bërë më të lehtë negocimin e Kosovës, për të lidhur këtë marrëveshje, e cila do të jetë me kohëzgjatje deri në vitin 2026.
Marrëveshja përfshinë furnizimin trevjeçar me të gjitha pajisjet sportive që i nevojiten ekipeve kombëtare në futboll. Kosova do të luajë kështu në Euro 2024 me fanelat e reja.
