Tek ekipi i Korabit po bëhen shumë zhvillime të rëndësishme ditët e fundit. Pas emërimit të trajnerit Mërgjyshi dhe fillimit të stërvitjes, ditën e djeshme u sigurua edhe kontrata me stadiumin “Selam Stërmasi” për të luajtur ndeshjet e këtij sezoni si vendas.
Burime pranë newsport.al bëjnë me dije se ditën e sotme përfundoi edhe plotësimi i stafit teknik. Artan Mërgjysi do të jetë trajner i parë i ekipit, ndërsa ndihmës i tij do të jetë Artion Poçi. Poçi është një ish-futbollist i njohur i Kategorisë Superiore teksa ka veshur fanellën e Apolonisë, Bylisit, Dinamos dhe Besës.
Korabi po ndërton një ekip serioz për të garuar në Kategorinë Superiore këtë sezon ku si synim do të jetë sigurimi i mbijetesës. Pas plotësimit të stafit teknik, tani do të fillojë puna në merkato ku do të kërkohet afrimi i sa më shumë futbollistëve cilësorë.
Loading ...
