Shpesh ka pasur polemika për zgjedhjet e lojtarëve në ekipet e moshave ku shpesh herë akuzoheshin trajnerët apo edhe drejtuesit për marrje rryshfetesh apo edhe për kryerje "nderesh". Por duket se ato polemika që kanë shoqëruar në vite futbollin shqiptar ende nuk janë harruar dhe risillen në vëmendje nga Andi Matraxhiu.
Menaxheri i FIFA-s nëpërmjet profilit të tij në Facebook akuzon hapur drejtuesit e futbollit në Shqipëri. Në shkrimin e vet ai shkruan:"Të vjen keq të shohësh që Kombëtarja U-21 është shndërruar në një qokë. Është viti 2017 dhe ende ndodhin të tilla gjëra. Por e bukura është se "specialistave" nuk iu bën përshtypje kjo gjë pasi janë prekur nga viroza e qokave dhe nuk polemizojnë".
Matraxhiu në statusin e tij i bën thirrje edhe opinionit sportiv që të ngrejë zërin për një situatë të tillë në futbollin shqiptar.
Lexo gjithashtu
