Lazio dhe Juventus do luajnë nesër në 18:00 për javën e 13 në Serie A. Sfida e “Olimpico” vjen në një kohë kur dy skuadrat kërkojnë pikë, me Sarrin që do ketë përballë të kaluarën e tij. Një lajm i mirë vjen nga kampi i Shqiponjave, me Strakoshën që pritet ta nisë ndeshjen nga minuta e parë.
Intersesimi i disa skuadrave në merkato, mos rinovimi i kontratës që skadon verën që vjen dhe forma e mirë e treguar së fundmi me Kombëtaren, ka bërë që Thomas të projektohet nga minuta e parë.
Një tjetër e dhënë që shton vendin mes portave nesër është edhe një lëndim I lehtë për Reinan, me stafin e Lazios që nuk do të rrezikojë, kur në stol është një tjetër portier me peshë. Kujtojmë se Strakosha ka humbur vendin e titullarit pas problemeve me covid, teksa në janar ka shansin të lëvizë në merkato.