“KOKSH është bërë qesharak”, Bezhani i kundërpërgjigjet Fidel Yllit: Po përdor shtetin për t’u bërë pjesë e Komitetit Olimpik, nuk mund të vish në rrugë të këqija

Problemet në KOKSH kohëve të fundit  kanë qënë të mëdha. Presidenti i Komiteti Olimpik Kombëtar Shqiptar, Viron Bezhani dha një intervistë për Fax News. Ai u përgjigj fjalëve të deputetit të Partisë Socialiste, Fidel Ylli, teksa ky i fundit shprehet se mosmarrëveshjet  Bezhani-Stavri Bello e kanë bërë Komitetin Olimpik qesharak.  Numri një i Koksh deklaron se deputeti po përdor shtetin për t’u bërë pjesë e Komitetit Olimpik.

“Unë nuk kam lidhje me futbollin. Unë kam lidhje me Komitetin Olimpik dhe është diçka e habitshme. Tha që bojkoti ishte i stisur. Unë i them që është diçka e domosdomshme. Unë si President i Koksh u bëra thirrje që t’u bashkangjiten këtij bojkoti. Kërkoj me insistim ndryshimin e ligjit, sepse pa këtë, nuk mund të arrijmë ëndrrat në sport. Foli për një grup punë, pasi është normale të mos kesh besim.

Zoti Ylli e di mirë se votat kanë pro Pollos dhe kundër Viron Bezhanit. Unë luftova i vetëm. Ai do që problemet t’i kaloj në gjëra private. Imazhi i Koksh është rritur në maksimum,  pasi nuk bie nga transparenca. Imazhi jonë është forcuar pasi është rritur drejtësia. Kurrë nuk bie imazhi nëse ne forcojmë ligjin.

Nëpërmjet punës, ka fituar sporti. Sot nuk merr më lek adminsitrata. Nëse deri dje janë bërë abuzime, sot ndodh e kundërta. Edhe nëse do vijë në këtë institucion, nuk mund të vijë në rrugë të këqija. Ai po mundohet të fitojë duke futur shtetin. Ky njeri është i pabesueshëm. Nga njëra anë thotë nuk duhen bërë, e nga krahu tjetër po i bën vetë. Ai e di mirë si miratohet fondi, ndaj kjo është e turpshme. A keni diskutuar ndonjëherë për të rritur këtë fond.

Kujt ia kërkon ky njeri këto lek? Kur thotë me tuta blu apo dhe të kuqe, është e turpshme. Kur ka qënë ky Kryetar Komisioni, ka shkuar me pantollona doku. Sot janë shtuar disa të ardhura për sportistët. Ky njeri ka 7 vjet, po kujt ia kërkon? Sot thotë 900 mijë euro dhe e ka firmosur vetë. Nëse nuk e ke në mendje të vish në bazë të ligjit, shiko veprimet skandaloze. Jam dakord që sporti të ndahet nga Ministria e Arsimit” – Tha Bezhani.