Evangjeli Veli nuk do jetë pjesë e Lojërave Mesdhetare Oran 2022. Lajmin e bën të ditur vetë sportisja nëpërmjet një postimi në rrjetet sociale, ku tregon se është infektuar për herë të tretë me Covid-19, duke e pasur të ndaluar udhëtimin.
Fatkeqësisht për peshëngritësen, e cila premtonte shumë dhe mund të arrinte te medalja sërish. Kujtojmë se Evangjeli Veli u shpall kampione Europe më herët këtë vit
“Sapo mora përgjigjet dhe mesa duket jam pozitive me Covid-19, që nënkupton se duhet të vetë-izolohem dhe nuk më lejohet të udhëtoj, të marr pjesë në Lojërat Mesdhetare. Sigurisht që jam e acaruar, jam gjithmonë e kujdesshme, nuk kam qenë në kontakt me shumë njerëz, jam vaksinuar plotësisht, por mesa duket Covid më zuri sërish, për herë të tretë. Nuk kam simptoma, ndjehem mirë dhe kjo është gjëja më e rëndësishme. Lojërat Mesdhetare do ishin një tjetër mundësi për mua që të fitoja medalje tjetër, por kjo është jeta.
Lexo gjithashtu
