Kërcënimet e Partizanit, reagon UEFA dhe Federata Ruse

UEFA ka reaguar menjëherë pas ankimimit të Partizanit mbi refuzimin e Ambasadës Ruse në Tiranë për të pajisur dy lojtarë kosovarë të të kuqve me viza.

Organizmi më i lartë i futbollit në Europë ka njoftuar Federatën Ruse që t’i japë zgjidhje të menjëhershme kësaj çështjeje.

Nga ana e saj Federata Ruse i ka kërkuar Partizanit një informacion sa më të detajuar për dy futbollistët në mënyrë që Ambasada në Tiranë të tregohet sa më e gatshme për bashkëpunim.

Pritet për t’u parë në vazhdim si do të përfundojë kjo çështje.