Kënga “kuqezi” kthen nxehjen në valle

Emocione kuqezi dhe kënaqësi pafund ka sjellë një këngë e vendosur në sfond gjatë kohës që kombëtarja e femrave në volejboll po bënte nxehjen para sfidës me Sllovakinë, e vlefshme për ditën e dytë të Ligës Europiane, zhvilluar në Poloni. Gjatë kohës që volejbollistet po bënin nxehjen, dëgjohet në sfond kënga “kuqezi je ti” dhe kaq ka mjaftuar që nxehja të kthehet në një valle, me vajzat shqiptare që kërcejnë në parket, duke harruar se përgatiten për një ndeshje volejbolli. Një atmosferë që u duartrokit edhe nga shikuesit, ndërkohë që emocionet ishin tejet të mëdha.