Erion Xhafa në pozitën e trajnerit të Lushnjes ka dhënë prononcimin për mediat pas barazimit me Skënderbeun në stadiumin “Roza Haxhiu”, e mbyllur 1-1. Xhafa ka theksuar se ekipi i tij meritonte ta fitonte këtë ndeshje, ndërsa e nisën duelin jo mirë, ku pësuan edhe golin e shpejtë: “E dija se ishte një ndeshje e vështirë. Kishim përballë një nga pretendentët. E nisëm ndeshje pak keq.
U ndëshkuam në të vetmin rast. Por e rikuperuam me kalimin e minutave. Kemi pasur shumë raste në pjesën e parë, ama nuk mundëm të shënonin. Duhet të jemi më të uritur para porte. Krijuam shumë raste. Jam i kënaqur. Duhet ta kishim fituar ndeshjen.
Por duhet të punojmë më fort dhe të rikthehemi te fitorja. Nevojitet guxim, pasi futbolli është i tillë. Minutat e para ne patëm qasje të gabuar, fati na ndëshkoi. Gjithsesi, skuadra prodhoi, ne lujtëm për ta fituar ndeshjen. Skënderbeu ka kualitet të larta.
Do vuash me një rival të tillë. Duhte të pranojmë disa gjëra. Po mundoheshim të dilnim nga presioni, por Skënderbeu po dilte mirë përmes linjave. Nuk është se e kemi vuajtur shumë rastet e kundërshtarit.
Sigurisht që te ne ka vend për përmirësim dhe do punojmë më fortë. Kemi shumë probleme, por do i rregullojmë në stërvitje. Skënderbeu ka një lojë të rrjedhshme. Kemi bërë një ndeshje shumë të mirë, mbrojtja jonë është me e mira që mund të ketë kjo ligë. Do mundohemi të synojmë gjithmonë fitoren”.
Lexo gjithashtu
