Kategoria e Parë ka mbyllur ndeshjet e javës së 17-të në fundjavë, të cilat ishin të fundit për këtë vit kalendarik. FSHF-ja publikoi ditën e djeshme formacionin më të mirë të javës në këtë kampionat, duke zgjedhur 11 protagonistët që me paraqitjet e tyre lanë gjurmë në javën e 17-të.
Nuk kishte si të ndodhte ndryshe. Edhe në këtë javë në formacionin e më të mirëve ka futbollistë nga skuadra e Pogradecit. Saktësisht liqenorët përfaqësohen me 2 të tillë.
Në mesfushë është përzgjedhur Suleiman Danladi, ndërsa në sulm ndodhet Sodiq Kazeem. Të dy futbollistët shkëlqyen me paraqitjet e tyre në fitoren 3-2 ndaj Luftëtarit. Siç dihet Kazeem ishte vendimtar me dopietën e tij në triumfin e liqenorëve.
Vlen të theksohet se pas javës së 17-të të kampionatit, Pogradeci ndodhet në vendin e 3-të me 32 pikë, 1 më pak se Laçi i vendit të dytë dhe 8 më pak se Skënderbeu kryesues.
Lexo gjithashtu
