Nga Erzeni largohet një tjetër titullar. Klevis Hasanbelli mbyll bashkëpunimin me shijakasit pas 2 vitesh. Lajmin e ka bërë të ditur vetë portieri nëpërmjet një postimi në rrjetet sociale.
26-vjeçari thekson se këtij rrugëtimi i ka ardh fundit dhe në këtë mënyrë tashmë është një lojtar i lirë. Ndër të tjera ai falenderon klubin për mundësinë, ndërsa iu uron ngjitjen sa më të shpejtë në Superiore.
“Për 2 vite kam qenë lojtar i ekipit të Erzenit. Këtij rrugëtimi i ka ardhur fundit sot dhe jam një lojtar i lirë. I falenderoj të gjithë çunat për sakrificë që kanë bërë, Gjithashtu falenderoj edhe stafin dhe presidencën, pa harruar këtu tifozerinë e zjarrtë. I urojnekipit të Erzenit sa më shpejt ngjitjen në Superiore”, kam shkruar gardiani i portës.
Këtë sezon ka luajtur në 32 ndeshje mes Kupës dhe kampionatit. Kujtojmë se Erzeni do të luajë sezonin e ri në Kategorinë e Parë, pasi nuk ia doli të mbijetonte në Superiore.
Lexo gjithashtu
