Klubi i Lushnjës zhvilloi një sezon të dobët, por ia doli që të mbijetonte në Kategorinë e Parë. Skuadra lushnjare arriti të triumfonte 2-0 përballë Ilirisë në sfidën “Play-Out”, duke siguruar mbijetesën në Kategorinë e Parë edhe për sezonin e ardhshëm. Pas këtij sezoni aspak të mirë, klubi ka filluar që të bëjë ndryshime, duke nisur që nga privatizimi.
Ditën e sotme, Këshilli Bashkiak Lushnjë është mbledhur dhe ka votuar për nisjen e procedurave për përgatitjen e raportit të vlerësimit për përcaktimin e vlerës nga ekspertë kontabël i licensuar për privatizimin e Shoqërisë Aksionere së klubit të Lushnjes. Lajmin e ka bërë të ditur vetë klubi me anë të një postimi në faqëen zyrtare ku shkruan:
“Ashtu sikurse kishim deklaruar, morëm pëlqimin e shumicës së Këshilltarëve për fillimin e procedurave për përgatitjen e "Raportit të vlerësimit për përcaktimin e vlerës nga ekspertë kontabël i licensuar për privatizimin e Shoqërisë Aksionere 'K.F. Lushnja 1930'.
Duke pranuar të gjithë ndjeshmërinë që ka futbolli në #Lushnjë, e duke garantuar se jam përpjekur me "mish e me shpirt" t'i ofroj ekipit mbështetje të pakushtëzuar, e cila nuk është përkthyer në rezultatet e dëshiruara, garantoj opinionin sportiv se jemi të angazhuar të vlerësojmë me seriozitet çdo hap të nevojshëm që i bën mirë ekipit, përfshirë derën e hapur për ata që kanë një projekt serioz dhe të qëndrueshëm për futbollin e Lushnjës”.
View this post on Instagram
Lexo gjithashtu
