Flamurtari shkoi shumë afër ngjitjes në Superiore, por fatkeqësisht u mposht nga Laçi në sfidën e fundit të “Play-Off”. Në këtë mënyrë vlonjatët do të duhet të luajnë edhe një sezon tejtër në Kategorinë e Parë.
Shumë ndryshime priten në Vlorë pas dështimin për ngjitjen në elitë. Një nga lojtaret që ka marrë përgjegjësi mbi vetën është Idriz Batha. Gjirokastriti u transferua në Vlorë gjatë merkatos së janarit me synimin e vetëm për të rikthyer kuqezinjtë në Superiore.
Por ky mision nuk u arrit dhe 32-vjeçari në vendosur t’i vetëofrohet stafit për të qëndruar edhe një vit tjetër te Flamurtarit. Mësohet se Batha dëshiron qëndrimin në Vlorë në mënyrë që të japë maksimumin e tij sezonin e ardhshëm për të arritur rikthimin e Flamurtarit mes më të mirëve, ndërsa i qëndron kështu besnik ekipit në një moment të vështirë.
Mbetet të shihet nëse drejtuesit do të pranojnë kërkesën e tij dhe çfarë do të ndodhë ditët e ardhshme me vlonjatët dhe gjirokastritin.
Lexo gjithashtu
