Kategoria Superiore e Shqipërisë do të jetë kampionati i fundit në radhë që do të nisë sezonin e ri. Nga 55 anëtarë të UEFA-s, FSHF ka marrë vendim që kampionati të nisë më vonë nga të gjithë, më datë 7 shtator.
Ky vendim i pakuptimtë i FSHF ka prishur planet e shumë klubeve pasi fazat përgatitore të tyre do të zgjasin më tepër duke shtuar kostot. Mendohet se ky vendim është marrë nga FSHF me kërkesë të De Biazit që kampionati të fillojë pasi të jenë luajtur edhe 2 takimet e kombëtares në fund të gushtit dhe fillim të shtatorit, përkatësisht më 31 gusht ndaj Marokut në miqësore dhe më 5 shtator ndaj Maqedonisë në kualifikueset e Botërorit 2018.
Deri më datë 27 gusht të gjithë kampionatet do e kenë filluar aktivitetin e tyre, përveç Superiores që fillon 2 javë më vonë.
Lexo gjithashtu
