Karlos Baka drejt gjigandit spanjoll

E ardhmja e Karlos Baka mund të jetë sërish në Spanjë. Së fundmi ka dalë në skenë emri i Barcelonës që interesohet për sulmuesin kolumbian të Milanit.

Transferimi thuajse i kryer i Vietos nga Atletiko te Sevilja duket se e ka bërë Barcelonën të shohë mundësi të tjera për të gjetur një zëvendësues të denjë për treshen e sulmit Mesi – Suarez – Nejmar.

Barcelona duhet të paguajë rreth 30 milion euro te Milan për Bakën dhe gjithashtu duhet të mposhtë konkurrencën e Napoli që për momentin i ka arkat plot nga shitja e Higuain dhe po kërkon një zëvendësues për të.