Volejbolli i femrave ka marrë një zhvillim kohët e fundit, duke bërë që klubet të investojnë në këtë sport. Së fundmi, duke nisur edhe nga ecuria e mirë që vajzat e kuqe zhvilluan në "Champions", duke shkuar në turin e dytë, presidenti Rogert Huqi po sheh afrimin e lojtareve të reja.
Pas brazilianes Fonseka, e afruar disa javë më parë, me vajzat e Partizanit është afruar edhe Sheila Harvi me nënshtetësi amerikane. Lojtarja e datëlindjes 18 korrik 1995 është e gjatë 1.8 m dhe shihet si një përforcim i shtuar.
Lojtarja ka pasur eksperiencë në Finlandë e Qipro, teksa më herët është aktivizuar në SHBA. Partizani në volejboll për femra pret dhe një lojtare kolumbiane, për të përmbyllur me sukses merkaton dimërore. Kujtojmë se vajzat e kuqe janë kampione në fuqi të kampionatit dhe kupës në Shqipëri.
Lexo gjithashtu
