Presidenti Ilir Meta ka dekoruar pesë peshëngritës dhe trajnerë me çmimin e lartë "Mjeshtër i Madh". Në një ceremoni të zhvilluar në presidencë, kreu i shtetit i ka dhënë këto merita dhe medalje Vehap Xhindoli, Esat Ademi, Ilir Çelaj, Endri Haxhihyseni dhe Gerti Trasha.
Meta bën me dije se rezultate e tyre janë një shembull frymëzimi dhe krenarie, si edhe shembull për të rinjtë. "Privilegj i veçantë të vlerësoja me Titullin e lartë "Mjeshtër i Madh" pesë sportistë dhe trajnerë kampionë të peshëngritjes shqiptare, Vehap Xhindoli, Esat Ademi, Ilir Çelaj, Endri Haxhihyseni dhe Gerti Trasha, me kontribute të rëndësishme për zhvillimin cilësor të këtij sporti në vendin tonë, që me rezultatet e shkëlqyera të arritura në veprimtaritë kombëtare dhe ndërkombëtare, kanë ngritur lart flamurin kombëtar dhe prestigjin e Shqipërisë.
Modeli dhe rezultatet e tyre sportive, burim krenarie, mbeten një shembull i përhershëm frymëzimi për edukimin e fëmijëve dhe të rinjve tanë, me vlerat më të mira sportive dhe rruga e duhur, që duhet ndjekur prej tyre për të arritur sukses në karrierë, me punë dhe këmbëngulje", shkruan Meta.
Lexo gjithashtu
