Në datën 7 tetor do të nisë kampionati i 11-të botëror për fluturimet në preçizion. Ky event do të zhvillohet në Prilep të Maqedonisë së Veriut ku do të marrë pjesë edhe ekipi ynë kombëtar.
Parashutisti i njohur, Alket Islami bën thirrje për të mbeshtetur skuadrën kuqezi. Përmes një postimi në facebook, ai tregon dhe datën e fillimit e të përfundimit të këtij kampionati.
“Të inkurajojmë ekipin tonë kombëtar për në kampionatin e 11 botëror të fluturimeve në preçizion. Prilep, Maqedona e Veriut. 7-16 tetor 2021”, shkruhej në faqen zyrtare të Alket Islamit.
Vendi ynë do të përfaqësohet nga sportistët Xhonatan Islami, Arbër Haxhija, Arbër Xhaja, Blerian Braçe dhe Lorina Haxhiaj.