Nesër Skënderbeu duhet të nisë stërvitjen në qytetin e Durrësit, pasi ky është njoftimi zyrtar i klubit korçar. Por disa gjëra nuk shkojnë dhe gjasat janë që data e grumbullimit të shtyhet. Presidenti Ardjan Takaj dhe drejtues të tjerë ndodhen në Francë, duke ndjekur ndeshjet e Kombëtares, ndërkohë që presin vendimin e KAS-it, nëse do të ketë një të tillë. Ajo që çudit është se trajneri Mirel Josa nuk ka asnjë informacion për grumbullimin e skuadrës më 15 qershor. Ai është mjaftuar duke thënë se duhen pyetur vetëm drejtuesit, pasi atë nuk e ka kontaktuar askush. Një tjetër fakt, që e bën edhe më të mjegullt situatën te kampionët e Shqipërisë është se mbrojtësi Renato Arapi është pranë Partizanit. Ai është një nga senatorët e korçarëve dhe një largim i mundshëm i tij do të thotë shumë. Për më tepër, ka edhe dyshime se çështja mund të mos ketë shkuar në KAS.
Lexo gjithashtu
