Vllaznia pret Erzenin në orën 16:45 në Loro Boriçi për javën e 10 të Abissnet Superiore. Shkodranët ashtu si shijakasit duan të vazhdojnë ecurine me rezultate pozitive pas fitoreve respektive me Bylisin dhe Tiranën. Trajneri Josa është “i lumtur” të zgjedhë kë të dojë në këtë sfidë teksa të gjithë përveç Latifit, që dalëngadalë po bëhet gati te kthehet, janë të gatshëm.
Te Erzeni, trajneri Kapllani nuk ka arsye pse të ndryshojë formacion teksa ai me Tiranën zhvilloi thuajse një lojë perfekte duke dalë me 3 pikë përballë kampionëve në fuqi. Ndeshja pritet të jetë akoma më e zjarrtë me dy tifozëritë që do të ndezin tribunat e Loro Boriçit. Kujtojmë që drejtuesit shijakas kanë garantuar dy autobusë dhe 100 bileta falas për tifozët e tyre.
Formacionet e mundshme:
Vllaznia (4-3-3) – Zogovic; Gurishta, Juric, Bulatovic, Hakaj; Jonuzi, Alivoda, Marku; Mala, Kaina, Hoxhaj. Trajner: Mirel Josa
Erzeni (3-5-2) – Xhika; Enck, Krasniqi, Sadiki; Osmanllari, Mehmeti, Krivic, Kahrimanovic, Asani; Kadriu, Nonato. Trajner: Xhevahir Kapllani
Lexo gjithashtu
