FIFA bllokon merkaton e Spezia, skuadër e Serie A italiane. Rregullat e institucionit më të lartë të futbollit janë strikte dhe përjashtim nuk bëjnë as klubet e elitës së futbollit italian. Siç raportohet nga Calcio e Finanza, Komisioni Disiplinor i FIFA ka vendosur një bllokim të merkatos së Spezia pasi ka shkelur rregulloren duke transferuar në mënyrë të parregullt lojtarë nën moshën 18-vjecare.
Pas një hetimi të kryer nga Departamenti Rregullator i Ekzekutimit FIFA, Komisioni Disiplinor i organit më të lartë të futbollit zbuloi se Spezia ka shkelur nenin 19 të Rregullores së FIFA-s mbi Statusin dhe Transferimin e Lojtarëve (RSTP) duke sjellë disa lojtarë të mitur nga Nigeria në Itali duke përdorur një sistem që synon të anashkalojë artikullin e lartpërmendur RSTP përveç rregullave kombëtare të imigracionit.
Spezia ka mundësi të bëjë merkato gjatë këtij afati kalimtar, ndërsa bllokimi i merkatos do të nisë nga janari i 2022. Gjithashtu klubi italian është dënuar edhe me një gjobë prej 450 mijë euro. Bllokimi i merkatos nga FIFA nuk u ndodhë vetëm skuadrave shqiptare, por tashmë edhe skuadrës së Serie A.
Loading ...
