Flamurtari do të jetë pretendent potencial për sezonin e ri për t'u kthyer në Superiore. Drejtuesit kanë vënë në dispozicion një buxhet të kënaqshëm teksa trajneri Emiliano Çela do të bëjë maksimumin për arritjen e objektivit. Megjithatë ka edhe nga ata futbollistë që nuk janë të kënaqur me mënyrën se si po menaxhohet në Vlorë.
Andri Stafa ishte lojtari i parë që u largua nga kuqezinjtë edhe pse ishte afruar në këtë merkato vere. Sakaq, shtypi i shkruar raporton se Ermal Vitija është i dyti që ka lënë vlonjatët. Shkak për këtë duket se janë bërë hapësirat e pakta në formacionin titullar.
Konkurenca brenda skuadrës është e madhe dhe duke parë pozitat e tij, Vitija ka zgjedhur të largohet. Duhet theksuar se kjo nuk është zyrtarizuar apo konfirmuar nga klubi vlonjat. Kosovari raportohet se është larguar dy ditë para se të përfundonte faza përgatitore.
Lexo gjithashtu
