Mesfushori kolumbian James Rodriguez duket se do të largohet nga Real Madrid ose do të pranojë të qëndrojë në stolin rezervë të kampionëve të Europës. Trajneri Zindedin Zidane nuk i garanton dot atij një vend titullari në skuadër.
“Unë nuk i premtoj vend titullari asnjë futbollisti. James është një futbollist i rëndësishëm për ne por në fushë unë aktivizoj gjithnjë ekipin që më duket më i mirë i mundshëm sipas formës së momentit. Ne jëmi një ekip i kompletuar me shumë futbollistë cilësorë dhe nuk mund të aktivizohen të gjithë si titullarë. James duhet të punojë dhe të luftojë për një vend në formacion”, ka thënë Zidane.
James Rodriguez u transferua në verën e 2014-s te Real Madrid nga Monako për 80 milion euro dhe nën drejtimin e Ançelotit ishte titullar i padiskutueshëm, por nën Benitez dhe Zidane sezonin e kaluar pati pak hapësira.
Lexo gjithashtu
