Anglia ia doli të kualifikohej për në finale të EURO 2020, pas fitores 2-1 në Wembley ndaj Danimarkës. Trajneri i "3 luanëve", Southgate ka folur për mediet, menjëherë pas takimit. Ai komplimenton të tijtë, për arritjen e bërë. Gjithashtu, një temë të cilën e prek është edhe penalltia e Kane. Numri një i pankinës ka fjalë të mira edhe për danezët, rival këta që i hapën vërtetë punë mbrëmë.
"Jam shumë krenar për lojtarët. Ishte një rast i jashtëzakonshëm për të qenë pjesë e historisë. Tifozët ishin të pabesueshëm gjatë gjithë mbrëmjes. E ndjeva se do të shkonim në finale, por e dija se do të kishim një betejë tjetër. Danimarka është aq e nënvlerësuar si ekip dhe ne na shkaktoi shumë telashe.Penalltia e Kane? Askush nuk do të ndodhë ashtu, por ishte kundër një portieri të shkëlqyeshëm. Fatmirësisht shënoi.Kur ke pritur kaq gjatë për të shkuar në gjysmëfinale, lojtarët - një pjesë e tyre pa eksperiencë ndërkombëtare - pa asnjë diskutim që kanë bërë një punë të jashtë zakonshme.Të rinjtë në skuadër? Kemi pasur tre ndeshje fantastike në fazën me eliminim. E thamë që duhet të krijojmë kujtime për kombin tonë. Të rinjtë mendojnë se është gjithmonë kështu. U thashë Saka dhe Bellingham që nuk funksionon kështu.
Duhet ta shijojmë faktin që jemi në finale, por ka një pengesë të madhe përpara për të fituar. Italia është një ekip shumë i mirë në dy vitet e fundit. Janë në formë të jashtëzakonshme dhe kanë mbrojtës luftëtarë që kanë kaluar gjithçka. Është një ndeshje e madhe që na pret.Finalet janë për t'u fituar. Do rigrupohemi dhe do përgatitemi siç duhet. Duhet të rikuperohemi direkt, pasi jemi konsumuar shumë fizikisht dhe mendërisht. Italia gjithashtu ka kaluar një situatë të tillë, edhe pse ata kanë një ditë më shumë për t'u rikuperuar" - tha ai.
Lexo gjithashtu
