Gerard Pique, mbrojtësi i Barcelonës është rikthyer të flasë për gjysmëfinalen e humbur ndaj Interit në 2010. Në atë vit ishin zikaltërit e drejtuar nga Jose Mourinho që arritën të fitonin Champions League duke eleminuar Barcelonën në gjysmëfinale e më pas mposhtën Bayern Munchen në finalen e madhe të luajtur në "Santiago Bernabeu".
Pique ishte i ftuar në një eveniment të organizuar në "Port Aventura" dhe iu drejtua dy tifozëve të Real Madrid, Ibai Llanos e Siro Lopez se ishin me fat në atë vit pasi Barcelona do të luante finalen në shtëpinë e madrilenëve. Mbrojtësi e quajti një gjysmëfinale skandaloze dhe akuzoi Interin se kishte vjedhur ndeshjen pasi zikaltërit fituan 3-1 ndeshjen e parë në "San Siro" dhe u mposhtën 1-0 në "Camp Nou".
"Ishit me fat në 2010 kur na eleminoi Interi pasi finalja ishte në "Santiago Bernabeu" dhe kisha përgatitur diçka speciale. Udhëtuam në Milano me autobus për shkak të vullkanit dhe ajo gjysmëfinale ishte një skandal, ata bënë një vjedhje skandaloze", u shpreh Pique.
Lexo gjithashtu
