Riza Karimi është lojtari që u afrua në këtë merkato verore te Skënderbeu. Talenti iranin ishte një dëshirë e trajnerit Agostineli, i cili tashmë është larguar. Problemet me dokumentacionin bënë që Karimi të mos aktivizohej në asnjë ndeshje në dy fazat e para. Tashmë ai është gati për të dhën kontributin e tij në fushën e blertë dhe këtë e thekson në mikrofonin e Supersport:
"Jam shumë i lumtur që u bashkova me skuadrën. Shpresoj të jap më të mirën gjatë pjesës së mbetur të sezonit, pasi luftojmë për titullin kampion. Me nevojitet kohë që të përshtatem, por besoj se pas 2-3 javësh do të jem gati. Skënderbeu është një skuadër e madhe dhe dua të jap kontributin tim në luftën për titullin. Erdha këtu sepse ky klub i vlerëson talentet dhe nëse luaj mirë kam mundësinë për t’u transferuar në të ardhmen në një skuadër të madhe europiane”, ka përfunduar Riza Karimi.
Lexo gjithashtu
