Alessio Tacchinardi ish-mesfushori i Juventusit nuk ka kursyer kritikat për bardhezinjtë pas paraqitjeve të tyre të fundit në kampionat. Humbjet e javëve të fundit dhe dënimi me -15 pikë kanë rënë si “bombë ” për torinezët nga e cila nuk po e mbledhin dot më veten.
Por kjo nuk është një justifikim për Tacchinardin, pasi Juventus është një ekip me peshë në arenën botërore dhe nuk po sillet si një e tillë . Ai ka kritikuar edhe Di Marian pasi ky i fundit u shpreh se me dënimin e -15 pikëve është e vështirë që Juventus të marri veten.
“Unë e respektoj Di Marian si njeri dhe lojtar, por nuk jam absolutisht dakord me të. Lojtari duhet të marri përgjegjësinë për performancën në fushën e lojës dhe dënimi me -15 pikë nuk ka pse të ndikojë tek performanca e tij. Dënimi me -15 pikë është një alibi e papranueshme për Juventus, sepse nuk po flasim për një ekip të Serie C ku nuk paguhen rrogat dhe performanca e lojtarëve penalizohet”, ka përfunduar Tacchinardi.
