I çuditshëm ka qenë reagimi i ish-menaxherit të Michael Schumacher Willi Weber, i cili edhe kërë herë ka kritikuar familjarët e shtatë herë kampionit të botës në Formula 1, për faktin se ata nuk bëjnë të ditur gjendjen reale të legjendës së këtij sporti, i cili u aksidentuar në fund të vitit 2013.
“Ka shumë kohë që them se familja e Schumacher nuk po e thotë të vërtetën për gjendjen e tij. Është momenti që fansat e tij të mësojnë se çfarë po ndodh në të vërtetë me të. Por, kjo është e kotë, sepse këshillat e mira prej vitesh nuk merren parasysh. Kur jam në shtëpi dhe dëgjoj zilen e telefonit, shpesh uroj që të dëgjoj zërin e Schumacher. Shpresa është e fundit që vdes”, ka deklaruar Webber në një intervistë për të përjavshmen “Bunte”.
Në fund të intervistës, Weber ka shprehur dëshirën e madhe që Michael Schumacher të dalë njëherë e mirë nga kjo gjendje në të cilën ndodhet prej më 3 vitesh.
Loading ...
