Filip Najdovski është mungesa e Tiranës në tri ndeshjet e fundit. Mbrojtësi i bardhebluve, që 1 sezon më parë ishte dhe kapiteni i skuadrës, mungoi në 2 ndeshje të Superiores dhe atë të Kupës ndaj Teutës. Asnjë prej tyre nuk u fitua.
Vetë trajneri Erbim Fagu është shprehu për Najdovskin se ka filluar stërvitjet individuale. Për më tepër, ai ka shtuar se pritet t’i bashkohet pjesës tjetër të skuadrës për 1 javë.
Ndaj Vllaznisë të shtunën dhe përballë Teutës për Kupë më 6 mars, sërish pritet të mungojë. Rikthimi në fushën e blertë me shumë gjasa do të vijë ndaj Egnatias.
Tirana po kalon periudhën më të vështirë të sezonit. Kështu një rikthim në skuadër do të ishte mëse i mirëpritur.
Poll
Lexo gjithashtu
