Është nënë e një vajze të vogël, bashkëshorte e devotshme e një njeriu që merret me bodybuilding dhe vetë një femër e apasionuar pas këtij sporti. Kjo është Ilda Muhaxhiri, vajza nga Kosova, që në një prononcim për newsport.al ka rrëfyer se sa e lehtë është të jesh bashkëshortja e një mashkulli me trup të bukur, Ilir Beqës. Gjithashtu Ilda ka treguar edhe për veten e saj se si ja ka dalë që të ketë një marrëdhënie të shkëlqyer me Ilirin, por gjithashtu nuk ka harruar të përmendë vështirësitë e saj në momentin që Zoti i dha mundësinë të bëhet nënë.
- Sa kohë keni që jeni bashkë me Ilirin?
Me Ilirin kam pesë vite që jemi bashkë.
- Sa e vështirë është të jeni bashkëshortja e një bodybuilderi?
Nuk është aspak e vështirë, pasi të dy ndajmë të njëjtin pasion.
- Ai është paksa i limituar me oraret, si ja bëni?
Është e vërtetë që Iliri është shumë i limituar me oraret, pasi ka shumë gjëra për të bërë. Por ai kurrsesi nuk harron të më përkushtohet edhe mua.
- Fiziku i tij është për t'u admiruar dhe besoj që shumë bie edhe në sytë e shumë femrave. Jeni xheloze?
Ku ka dashuri, ka edhe xhelozi. Normalisht Ilir ka një fizik të bukur, por unë mund të them shumë shkurt: "Sytë për të parë janë"...
- Ndërkohë edhe ju merreni me palestër dhe jeni nënë e një vajze. Si ja keni dalë?
Unë jam bërë nënë në moshë shumë të re. Realisht ishte shumë e vështirë për mua në fillim të jem nënë, grua, të punoj, por dhe gjithashtu të merrem dhe me fitness. Por me ndihmën e bashkëshortit tim, Ilirit, ia arrita për të gjitha dhe sot jam e lumtur me veten time. Sot jam "FitMommy"...
- Po Iliri është xheloze për ju?
Dua të them diçka që është e veçantë te shumica e meshkujve. Iliri nuk është aspak xheloz për mua. Ai ka besim të plotë dhe këtë marrëdhënie të tillë ia kemi dhuruar njëri-tjetrit që në fillimet tona.
- Si është jeta e një familje që është e apasionuar pas bodybuilding?
Jo shumë e çuditshme sa mund të duket nga jashtë, madje mund të them shumë normale. Unë e kam në gen këtë sport. Dua t'iu tregoj që halla ime është Esma Woods nga Australia dhë vëllai im është Barlet Muhaxhiri, të cilët merren me këtë sport. Gjithashtu edhe te familja e Ilirit janë shumë të apasionuar pas bodybuilding, dhe është bërë mënyrë jetesë për ne, pjesë e pandashme e jona. Dua të përmend familjen e madhe "Alloteam", në të cilën bëjmë pjesë.
[gallery columns="1" size="full" ids="24999,24996,24995,24989,24990,24991,24992,24993"]
Lexo gjithashtu
